શ્રી લાખાબાવળ કુમાર શાળા (તા.જિ. જામનગર)

દૈનિક શૈક્ષણિક આયોજન: દૈનિક બુક (રોજનીશી) - ધોરણ ૯ અને ૧૦

નમસ્કાર શિક્ષકમિત્રો! ગુજરાત રાજ્યની માધ્યમિક શાળાઓના શિક્ષકો માટે વર્ગખંડનું શિક્ષણ કાર્ય વધુ સરળ, આયોજનબદ્ધ અને અસરકારક બનાવવા માટે અહીં શ્રી લાખાબાવળ કુમાર શાળા (તા.જિ. જામનગર) દ્વારા વિશેષ 'ઓનલાઇન દૈનિક શૈક્ષણિક આયોજન' (Daily Lesson Planning Web App) રજૂ કરવામાં આવ્યું છે. આ ડિજિટલ ટૂલની મદદથી તમે ધોરણ ૯ અને ૧૦ ના તમામ વિષયોની રોજેરોજની નોંધ અને અધ્યયન નિષ્પત્તિઓ તમારા મોબાઇલ કે કમ્પ્યુટરમાં ગમે ત્યારે જોઈ શકો છો. હવે તમારે રોજેરોજની ડાયરી લખવા માટે કે શૈક્ષણિક મુદ્દાઓ શોધવા માટે અલગ અલગ પુસ્તકો જોવાની જરૂર નહીં પડે. આ સંપૂર્ણ માસવાર દૈનિક આયોજન (દૈનિક બુક : રોજનીશી) તદ્દન મફત (ફ્રી) છે. કોઈ માસિક સબસ્ક્રીપ્શન નથી.

📌 આ વેબ-એપની મુખ્ય વિશેષતાઓ:

• 📚 તમામ વિષયોનું આયોજન: ગણિત, વિજ્ઞાન, સામાજિક વિજ્ઞાન, અંગ્રેજી, ગુજરાતી, હિન્દી અને સંસ્કૃત જેવા તમામ વિષયોનું એક જ જગ્યાએ સચોટ માર્ગદર્શન.
• 🎯 સંપૂર્ણ શૈક્ષણિક માહિતી: દરેક તારીખ મુજબ જે-તે વિષયનો એકમ, શૈક્ષણિક મુદ્દા, શિક્ષક-વિદ્યાર્થી પ્રવૃત્તિ, TLM (શૈક્ષણિક સાધનો), અને ગૃહકાર્ય (Homework) ની વિગતો.
• 🎨 સહ-અભ્યાસિક વિષયોની ખાસ નોંધ: ચિત્ર, સંગીત અને કમ્પ્યુટરનો તાસ અઠવાડિયામાં તમારી શાળાના ટાઈમ ટેબલ મુજબ આવતો હોવાથી તમારે તે મુજબ જ લખવો. શારીરિક શિક્ષણ (P.T.) નો તાસ પણ ટાઈમ ટેબલ મુજબ નોંધવો.